हामी सबैकाे संसारन्यूज

धनसिंह गिरि, दाङ

पुगे सरकारमा ती जो गनिन्थे राष्ट्रघातीमा
चलाए आज ताकेर गोली जनताको घाँटीमा

हुँदा सरकारमा जनका बुझेनन् दुःख शासकले
त्यसैकारण छ आन्दोलन चलेको राजधानीमा

चिन्यो संसारले जगमा शिखर सर्वोच्च जुन हाम्रो
त्यसैको विम्ब देखिन्छ नेपाली शिरको टोपीमा

नजर दूषित नगर्नू जन सबै चेली गलत हुन्नन्
सफा मनबाट देवीको झलक देखिन्छ नारीमा

लुटी धन राज्यको सारा महलमा भ्रष्ट रम्थे जो
खुले कर्तुत सबै तिनका परेछन् आज नालीमा

बहर : हजज मुसम्मन् सालिम
वजन : १२२२ – १२२२ – १२२२ – १२२२
अर्कान : मुफाईलुन , मुफाईलुन , मुफाईलुन , मुफाईलुन
काफिया : ई
रदिफ :मा
अभ्यास : स्वर्ण पाठशाला