Sansar News
सुचिता काफ्ले, सुकेधारा, काठमाडौँ
१.
कति राम्रो हो
नेपाली हुँ भन्नुमा
भाग्य हाम्रो हो ।
२.
मन चङ्गा हो
मर्दा जाने सबैले
उही गङ्गा हो ।
३.
आहा लरिलै
मन भित्रै सम्झना
रहोस् बरिलै ।
४.
के छ लेखेको ?
भाग्य र कर्मलाई
छैन देखेको ।
५.
मान्दै मान्दिन
बैमानी गर्नलाई
जान्दै जान्दिन ।
६.
घर आँगन
हुनु पर्छ एकता
सबै जागन ।
७.
हुन्न फूटेर
राम्रो काम गर्नुछ
सबै जुटेर ।
८.
चल्ती आको छ
झुक्याउने प्रबृति
अति भाको छ ।
९.
सत्य बोलेर
गाउँछु म सुसेली
दिल खोलेर ।
१०.
माया गाँसेर
दुईदिने चोला यो
बाँचौं हाँसेर ।
वि.सं.२०८२ कात्तिक १५ शनिवार ०५:४९ मा प्रकाशित
