Sansar News
राम बहादुर कटुवाल
बुढीगंगा न पा ७, बाजुरा
१.
आशा सबै सकियो
ठिक विपरीत गर्दा
दोधारमै पो परियो ।
२.
बानी तिम्रो फेरिएन
जिद्दी गर्छौ बालकझैँ
परिपक्व यौवन देखिएन ।
३.
तिमी झर्को नमान
सधैँ राम्रो गरे
पाइने हो सम्मान ।
४.
खेलमा सीमा तोकिन्छ
नियम विपरीत भए
कालान्तरसम्म पनि रोकिन्छ ।
५.
रेफ्री तिम्रो अचेत
नियम पूरा पढाऊ
अनि बन्छ सचेत ।
६.
चारो खान पल्केका
झुलुक्क झुलुक्क चियाउँदै
एकान्तमा आई सल्केका ।
७.
युगले स्वतन्त्रता खोज्छ
चुँडेर भाँचेर साङ्लाहरू
विभेदले दमन रोज्छ ।
८.
आशामाथि निराशा बढ्दै
धरोहर भत्किने छ
जटिलताका खाल्डो चढ्दै ।
९.
भोकाको आवाज सुन्ने
मगज सफा गरी
अनि हुन्छौ गुन्ने ।
१०.
प्रसव पीडा कस्तो
भोग्नेलाई थाहा हुन्छ
केही नबुझे जस्तो ।
वि.सं.२०८२ कात्तिक १५ शनिवार ०७:१७ मा प्रकाशित
