हामी सबैकाे संसारन्यूज

काठमाडौं । राजधानीको सिनामंगलमा एक प्रहरी सहायक निरीक्षक (असई)ले आफ्नै ४ महिने छोराको घाँटी रेटेर हत्या गरेका छन्। आइतबार दिउँसो सिनामंगलस्थित भाडाको कोठामा बसेका असई पुष्कर कार्कीले सुतेकै अवस्थामा छोराको घाँटी रेटेर हत्या गरेको प्रहरीले जनाएको छ।

जन्मँदै ब्रेन ट्युमर भएकाले उपचारधीन शिशुलाई कार्कीले अचानक आक्रमण गरी मारेका प्रारम्भिक अनुसन्धानबाट खुलेको छ। घटना पछि कार्कीले आफ्नो श्रीमतीलाई समेत कुटपिट गरी फरार भएका थिए।

त्रिभुवन अन्तर्राष्ट्रिय विमानस्थल सुरक्षा कार्यालयमा कार्यरत असई कार्कीलाई प्रहरीले आइतबार बेलुकी नै नियन्त्रणमा लिएको जिल्ला प्रहरी परिसर, काठमाडौंका प्रवक्ता एसपी पवनकुमार भट्टराईले जानकारी दिए। कार्कीलाई अहिले भद्रकालीस्थित जिल्ला प्रहरी परिसरमा राखेर आवश्यक अनुसन्धान भइरहेको प्रहरीले जनाएको छ।