हामी सबैकाे संसारन्यूज

काठमाडौँ । पेसागत महासङ्घ नेपाल लैङ्गिक हिंसा विरुद्धको १६ दिने विश्व अभियान कार्यक्रम सम्पन्न गरेको छ ।

“प्रविधिको सही प्रयोग गरौँः लैङ्गिक हिंसा अन्त्य गरौँ” भन्ने नाराका साथ २०८२ मङ्सिर २२ गते कार्यक्रम सम्पन्न गरेको हो । प्रमुख अतिथि अखिल नेपाल महिला संघकी पूर्व अध्यक्ष एवं राष्ट्रिय सभा सदस्य जयन्ती राईले महिला अगाडि बढेको देख्न नचाहने, दुर्भावना व्यक्त गर्ने तथा संकीर्णता देखाउने प्रवृत्ति समाजबाट निर्मूल गर्नुपर्ने बबताइन् ।

विशेष अतिथि राष्ट्रिय सभा सदस्य गरिमा शाहले पछिल्लो समयमा बढ्दै गएको आईटि तथा एआई प्रविधि प्रयोग गरी जथाभावी नक्कली समाग्री बनाई लैङ्गिक हिंसा हुने गरेकोले सोको कानुनी कारवाही र निराकरणको लागि सबै सचेत रहनुका साथै प्रविधिको सही उपयोग गर्नुपर्ने धारणा व्यक्त गर्नुभयो । पर्पल फाउण्डेसनकी नानीमैयाँ थापाले “नेपाली राजनीतिमा लैङ्गिक हिंसाको अवस्था” बारेमा कार्यपत्र प्रस्तुत
गरिन् ।

महासङ्घका अध्यक्ष प्रेमलकुमार खनालले विश्व ट्रेड युनियन महासङ्घ तथा पेसागत महासङ्घ नेपाल पेशागत महासंघले लैङ्गिक हिंसा विरुद्ध सँधै सचेत रहेको र हिंसा विरुद्ध सदा प्रतिवद्ध रहने बताए । वरिष्ठ उपाध्यक्ष कृष्णमान श्रेष्ठ, महासङ्घका सभामुख तथा वरिष्ठ अधिवक्ता शंकर सुवेदी एवं लेखा आयोगका संयोजक भोलानाथ उपाध्यायले विभिन्न पक्षबाट हुने लैङ्गिक हिंसा र सो को निराकरण सम्बन्धमा आ–आफ्ना राय
व्यक्त गरेका थिए ।

उपाध्यक्ष प्रभादेवी बज्राचार्यको अध्यक्षतामा सम्पन्न कार्यक्रम उपमहासचिव सीता ओझाले सञ्चालन गरेको सो समारोहमा महासङ्घका विभिन्न समिति तथा घटक संस्थाका पदाधिकारी तथासदस्यहरुको सहभागिता रहेको थियो ।