हामी सबैकाे संसारन्यूज

बाबुराम न्यौपाने ‘उत्स’, दमक,झापा
‎
‎अद्भुत रुपमा छ के! मान्छे ¥याल चुहाउँछन्
‎विश्व सम्राट परै छोड इन्द्रै शिर झुकाउँछन्
‎सौन्दर्य शक्ति अहो !! दृष्टिभ्रम गराउँछ
‎आँखाको गद्दीमा बसी छद्म सत्ता चलाउँछ।
‎
‎मनको सौन्दर्यशास्त्र कठै !! रुँदै व्यथा सुनाउँछ
‎एकान्त खोपीमा बसी एक्लै गुनगुनाउछ
‎रुपको बसमा अल्झी तानाशाह कति ढले
‎मैहुँ भन्ने सेनानायक रुपकै रापमा जले ।
‎
‎मनको सुन्दरता खोज्छ कस्ले आज कठैवरी
‎बैंसको आयु ठान्छ रे !! आज मान्छे अजम्बरी
‎जीवनै त जान्छ मरेर के हो रुपको चुरीफुरी
‎रुपकै गुलाफ बेच्दछन् धरतीका अलकापुरी।
‎
‎गरेर सौन्र्दर्य पान तृप्ति मिल्छ कहाँ हरे
‎जादुयी रुपका पर्दा परेलीमा कति झरे
‎लोभ मोह भोगी सत्ता शान्त मन जलाउँछ
‎मनभित्र उखरमौलो छुने रहर पलाउँछ।
‎
‎स्पर्श मोह बिटुलो धड्कन तडप सुनाउँछ
‎प्रेमको सत्ता ढल्यो रे ! चिच्याउँदै कराउँछ
‎रुपको धारिलो धार मान्छे घाइते बनाउँछ
‎हेरेर छट्पटी तड्पाई फेरि उसै रमाउँछ।