Sansar News
काठमाडौं । नेपाली कम्युनिष्ट पार्टी आगामी फागुनमा हुने निर्वाचनमा बाग्लुङबाट प्रत्यक्षतर्फबाट होमनाथ शर्मालाई उम्मेदवार सिफारिस गरेको छ ।
नेपाली कम्युनिष्ट पार्टी बागलुङ जिल्ला कमिटीले लामो समय कतारमा रहेर तत्कालीन माओवादी केन्द्रको प्रवास संगठन नेपाली जनप्रगतिशील मञ्च कतारको संस्थापक तथा पूर्व अध्यक्ष रहेर काम गरेका शर्मालाई प्रवासबाट उठाइएका सक्षम र भरोसायोग्य नेताका रूपमा अघि सारेको बताइएको छ ।
लामो समयदेखि कतारलाई कर्मथलो बनाउँदै आएका शर्मालाई सो पार्टीले क्षेत्र नं. १ बाट प्रत्यक्षतर्फ उम्मेदवारका रूपमा सिफारिस गरेको हो ।
शर्मा हाल नेपाली कम्युनिष्ट पार्टी मध्यपूर्वका संयोजक, बागलुङेहरूको साझा संस्था अन्तर्राष्ट्रिय बागलुङ सेवा समाजका संस्थापक अध्यक्ष तथा बागलूङ सेवा समाज कतारका संस्थापक उपाध्यक्ष तथा पूर्व अध्यक्ष हालका संरक्षक,एनआरएनएका अगुवा नेता तथा कतारका स्थापित व्यवसायी हुन् ।
प्रवासमा रहेर पार्टी संगठन मजबुत बनाएको योगदानलाई मूल्याङ्कन गर्दै पार्टीले शर्मालाई निर्वाचन मैदानमा उतार्ने निर्णय गरेको स्रोतको दाबी छ ।
यी हुन् अन्य उम्मेदवार
त्यसैगरी कमिटीले प्रत्यक्षतर्फ पूर्वमन्त्री समेत रहेका देवेन्द्र पौडेल, कृष्ण बहादुर केसी, बाबुकाजी केसी, पिङ्गलराज गौतम, चीनीमायाँ काला मगर, कुलचन्द्र शर्मालाई सिफारिस गरेको छ ।
त्यस्तै समानुपातिकतर्फ जनजातीबाट चेतबहादुर पुन चिरण, ब्राम्हणबाट बलावती शर्मा, क्षेत्रीबाट ग्यानी कुमारी थापा मगर, सिता शर्मा ब्राम्हण, गगन बहादुर पुन जनजाती, टीकाकुमारी विश्वकर्मा दतिल, नीर्मल बहादुर श्रेष्ठ जनजाती, आरती शर्मा, (युवा, वेपत्ता परिवार) लाई सो पार्टीले सिफारिस गरेको छ ।
वि.सं.२०८२ पुस १६ बुधवार १६:३८ मा प्रकाशित
