Sansar News
श्याम माकजू,भक्तपुर
फुले पुष्प मनमा जवानी रहन्छ
त्यहीँ भित्र घरमा सुभानी रहन्छ
मिली कर्म गर्ने दुखी हुन्न बुझ्नू
जहाँ घर गरेको सिरानी रहन्छ
कहाँ चल्छ मुद्दा दुई मन मिलेमा
लिखतभित्र मनको जमानी रहन्छ
दिँदा हात उसले लिई हात थाम्नू
दुई हात जम्दा निसानी रहन्छ
गरे प्रेम साँचो मुनाको मदन भै
अमर प्रेमरूपी कहानी रहन्छ
बहर : मुतकारिब मुसम्मन सालिम
अर्कान : फऊलुन् फऊलुन् फऊलुन् फऊलुन्
वजन : १२२ – १२२ – १२२ – १२२
काफिया : आनी
रदिफ :रहन्छ
अभ्यास : स्वर्ण पाठशाला
वि.सं.२०८२ माघ २४ शनिवार ०७:४४ मा प्रकाशित
