हामी सबैकाे संसारन्यूज

मिरा ज्ञवाली (आस्था),कीर्तिपुर

घायल बनाउने खुद आँखा विचित्रका छन्
आफ्नै विरानो ठान्ने नाता विचित्रका छन्

साँच्चै छ स्वर्ग जस्तो नेपाल हेर हाम्रो
बस्ती छ शान्त बेग्लै डाँडा विचित्रका छन्

छैनन् मुलुकहरूमा गर्ने विकास नौला
नेताहरू सबैका चाला विचित्रका छन्

बाटा घुमाउरा छन् कहिले नमार्नु हार
भन्दै छ मेरो मनले आशा विचित्रका छन्

व्यवहार पक्षपाती गर्छन् मनुष्य अहिले
बुझ्नै नसक्ने यिनका इच्छा विचित्रका छन्

बहर : मुजारे मुसम्मन अखरब
अर्कान : मफ्ऊलु , फाइलातुन् , मफ्ऊलु , फाइलातुन्
वजन : २२१ – २१२२ – २२१ – २१२२
काफिया : आ ( एकाक्षरी स्वर )
रदिफ : विचित्रका छन्
अभ्यास : स्वर्ण पाठशाला