हामी सबैकाे संसारन्यूज

मनोहरी पौडेल,गैडाकोट -१

१.
चुनावी मसला भटाभट
जहाँतहीँ तरङ्ग ल्याउँदै
जित्न परेको रातारात ।

२.
भनेको पत्याउन पर्ने
जालीका मसला खतरा
दिमागमा भ्रमहरू छर्ने ।

३.
राष्ट्रका खातिर जिउनु
ढाँटेर पाएका मतले
पर्नेछ अश्रुधारा पिउनु ।

४.
नागरिक उत्थान गर्ने
नेतालाई भोट दिउँ
नगरौँ भ्रममा पर्ने ।

५.
मत गोप्य हुन्छ
छोड छिमेकको रडाको
मिलेरै दिव्यता छुन्छ ।

६.
देशका होनहार नेता
सबै दलका मिलेर
पालैपालो गुथ्छन् फेटा ।

७.
देश डुबाउन खोज्ने
आफ्नो स्वार्थका लागि
किन कुमार्ग रोज्ने ?

८.
मिल्छन् चोरेर खान
मर्दा लैजाने जस्तो
धनमै हुन्छ ध्यान ।

९.
जनताका माग बुझेका
चुनौ नेतृत्व अहिले
इमानदार अनि सुझेका ।

१०.
अमूल्य हुन्छ मत
नबसौँ घर यसै
बलियो बनाऔँ छ्त ।