हामी सबैकाे संसारन्यूज

उदयपुर । नेपाल इन्भेष्टमेन्ट मेगा बैंक (एनआईएमबी)को गाईघाट शाखामा कार्यरत सुनिता बानियाँलाई ग्राहकको खाताबाट रकम हिनामिना गरेको आरोपमा प्रहरीले पक्राउ गरेको छ।

जिल्ला प्रहरी कार्यालय उदयपुरका सूचना अधिकारी केदारमान दोङका अनुसार, बैंककै उजुरीका आधारमा उनी नियन्त्रणमा लिइएको हो।

प्रारम्भिक अनुसन्धानमा उनले ग्राहकको खाताबाट रकम दुरुपयोग गरेको देखिएको प्रहरीले जनाएको छ। बानियाँ उदयपुरको त्रियुगा नगरपालिका–५ की स्थानीय हुन्। आन्तरिक छानबिनपछि रकम हिनामिना भएको पुष्टि भएपछि बैंकले प्रहरीमा उजुरी दिएको थियो।

प्रहरीले बानियाँसँग बयान लिइसकेको छ र उनको एक्लै संलग्नता हो वा अन्य व्यक्तिको पनि हात छ भन्ने विषयमा अनुसन्धान भइरहेको छ।

उनीविरुद्ध बैंकिङ कसुर तथा ठगीसम्बन्धी कानुनी प्रक्रिया अघि बढाइएको छ।