हामी सबैकाे संसारन्यूज

दाहाल कल्पना,रातोपुल

१।
बैँसमै लाग्यौ दूर बहाना मेरा चाहना मेट्न
समय त तेत्ती भएको थिएन थाल्यौ पराई भेट्न
मलाई त डर छैन सही बाटोमा हिँडेको छु
जसलाई आफ्नो ठान्यौ उसैले थाल्छ लखेट्न ।

२।
मन बगिरहेको छ पुर्‍याउँछ भावना
ननिँदाएर पनि मिठो देखाउँछ सपना
जिन्दगी त नाट्य मञ्चको नाटक रहेछ
देख्नु न सोच्नुका बढिरहन्छन चाहना ।

३।
न त समात्न सकेँ न त त्याग्न सकेँ
न त त्यो पीडा कष्टबाट भाग्न सकेँ
यस्तो छ गति मेरो एकोहोरोमा तैपनि
दोहोरो भाव खै भगवान्‌सँग माग्न सकेँ ।

४।
तल्लीन भएर मलिन अनुहारले हेरे पनि
सपनाबिपना जपतप अँगालोले बेरे पनि
तिम्रो नसा नसा हेरिसकेँ फरक पर्दैन अब
बाटो घाटो शहर गल्ती चारैतिर घेरे पनि ।

५।
गर्न त गर्छन् नजिकै आएर ज्ञानगुनका कुरा छर्छन्
बाहिर जेसुकै होस् भित्रभित्रै कैँची अनि छुरा धर्छन्
कुरै त हो नि सम्धी भन्नुहुन्थ्यो जेठाबाले सम्झाउँदै
आपतमा चिनिने हो आफ्ना को अपूरा अधुरा गर्छन् ।