Sansar News
बीके मुखिया,वाङदे
दार्जिलिङ, भारत
तिम्रो पुलुक्क कर्के हेराइमा छ केही
आँखा जमिन नियाल्छन् टोलाइमा छ केही
सुन्दर मुहार तिम्रो कोमल गुराँसजस्तै
गल्ली कुरेर बस्छौ पर्खाइमा छ केही
बन्दैन भक्त कोही चन्दन लगाउँदैमा
जसको छ राम मुखमा सोचाइमा छ केही
पीडा अनेक झेल्दै मान्छे मरेर जान्छन्
छल्किन्छ आँसु धेरै भोगाइमा छ केही
बैँसालु जिन्दगीमा मायालु हुन्छ धेरै
गल्ती हजार गर्छन् रोजाइमा छ केही
बहर:- मुजारे मुसम्मन अखरब
वजन:- २२१ २१२२ २२१ २१२२
काफिया बन्धन:- आइ
तहलिली रदिफ:- मा
रदिफ : छ केही
अभ्यास : उज्यालो पाठशाला
वि.सं.२०८२ चैत २८ शनिवार ०८:३० मा प्रकाशित
