हामी सबैकाे संसारन्यूज

डा. ठाकुर माेहन श्रेष्ठ
बुढानिलकण्ठ , काठमाडौँ

नसोध्नू कहाँको हाे याे ? किनेर ओढेको छु छाता,
तिम्रै प्रेमको छहारी सम्झेर ओढेको छु छाता।

मूल्य तोकिएका टाउका र तोक्नेले देश भुले,
युवा बढून् माैलिकता सम्हालेर ओढेको छु छाता।

सारा यौवन सुम्पेको प्रतिफलले कर तिर्दै,
बुढेसकालको ओत साेचेर ओढेको छु छाता।

कुना-काप्चामा छन् जीवनहरू थामेका दैवले
अझैँ आशाका दीप जलाएर ओढेको छु छाता।

ला‌ै युवा बनून् पृथ्वी, बहादुर, जङ्गे वा वीरेन्द्र,
सती सराप उल्टियोस् जुटेर ओढेको छु छाता।

बलियाका जुधाइमा निर्धा देशमा नमिचिऊन्,
कालाे बादलविरुद्ध उठेर ओढेको छु छाता।

कालखण्डका घाउ हेर्दै अमूक साक्षी बनेर,
मानवता अनि माटो पूजेर ओढेको छु छाता।

अक्षर : १७
अनुप्रास : एर
शेष अनुप्रास : ओढेको छु छाता