Sansar News
हरि प्रसाद पौडेल ‘स्वर्णशिखा’ दाङ
रहेछन् मुखाले हदै गर्न थाले
यी नौला सुगाले हदै गर्न थाले
भयो गल्ती सायद लखेटेर सिंह
अहो! फ्याउराले हदै गर्न थाले
नुहाएर गाई बन्यौँ भन्दछन् ती
हजुरका गधाले हदै गर्न थाले
अधरको नशा त थियो सन्तुलित नै
नयनका अदाले हदै गर्न थाले
म कोसङ्ग अन्याय भो भन्न जाऊँ
स्वयम् देवताले हदै गर्न थाले
बहर : मुतकारिव मुसम्मन सालिम
अर्कान : फऊलुन् फऊलुन् फऊलुन्
फऊलुन्
वजन : १२२ – १२२ – १२२ – १२२
काफिया : एकाक्षरी स्वर आ
तहलिली रदिफ : ले
रदिफ : हदै गर्न थाले
वि.सं.२०८३ साउन ९ शनिवार ०७:४३ मा प्रकाशित
