हामी सबैकाे संसारन्यूज

क्यानडाको ब्राम्पटनमा रहदै आएका एक नेपालीको मृत्यु भएको छ । अर्घाखाँची घरभइ हाल क्यानडामा रहेका गुरु प्रसाद श्रेष्ठको मृत्यु भएको हो ।
विगत २२ वर्षदेखि क्यानडाको ब्राम्पटनमा बसोबास गर्दै आएका ५६ वर्षे श्रेष्ठको जुन २४ गते निधन भएको नेपाली जनसम्पर्क समिति क्यानडाका महामन्त्री एवं क्यानडियन मामला सम्बन्धि प्रमुख दीपक मोहन भट्टाईले जनाएका छन् ।
जनसम्पर्क समिति क्यानडामा उपसभापति एवं संस्थापक तथा विभिन्न संघसंस्थामा रहेर समाज सेवा गर्दै आएका श्रेष्ठको मृत्युले संस्थामा अपुरणिय क्षति पुगेको पनि महामन्त्री भट्टराईले जनाएका छन् ।
‘उहाँको निधनबाट नेपाली काँग्रेसले एक निष्ठावान योद्धा, जनसम्पर्क समिति क्यानाडाले एक होनहार नेता र क्यानाडास्थित नेपाली समाजले एक कर्मठ समाजसेवी गुमाएको छ ।’ भट्टराइले भनेका छन्, ‘उहाँ बिगतको महाभूकम्प लगायत अग्निपीडित, बाढी पिडित जस्ता व्यक्तिहरुको सेवा ,उद्धार, र राहतको लागि रकम संकलन गरि स्वयंम नेपाल गएर राहत बाड्ने कार्य गर्नु भएको थियो ।’
श्रेष्ठको अन्तिम संस्कार जुन २६ (सोमबार) का दिन दिउसो ३ बजे गरिने पनि भट्टराईले बताएका छन् ।