हामी सबैकाे संसारन्यूज

१४ असार रोल्पा । रोल्पाको थवाङमा मतदाताहरुले उत्साहपुर्ण तरिकाले मतदान गरिरहेका छन् । दोस्रो सविंधानसभाको चुनाव २०७० मा एक भोट पनि नखसेको थवाङमा स्थानीय निकायको चुनावमा भने मतदाताहरुले उत्साहपुर्ण तरिकाले मतदान गरिरहेका छन् ।

निर्वाचन अधिकृत कमलबहादुर विष्टका अनुसार थवाङमा अहिले सम्म करिब ७० प्रतिशत मतदान भईसकेको छ । साविकका थवाङ, उवा र मिरु गाविसलाई गाभेर थवाङ गाउँपालिका बनाइएको छ । थवाङमा कुल ५ हजार ८ सय ५३ जना मतदाता रहेका छन् ।
देशभरि चुनाव बिथोल्ने अभियान चलाउदै हिडेको नेत्र विक्रम चन्द नेतृतवको नेपाल कम्युनिष्ट पार्टीले समेत थवाङमा उम्मेदवारी दिएपछि थवाङको चर्चा देशभरि चुलिएको हो । विप्लब माओवादीका जिल्ला स्तरयि नेता रहेका अमित घर्तीले स्वतन्त्र रुपमा उम्मेदवारी दिएका छन् । अध्यक्षमा घर्तीलाई सर्मथन गर्दै नेपाली कांग्रेसले श्रीकुमारी रोकालाई उपाध्यक्षको उम्मेदवार बनाएको छ ।
यस्तै एमालेले अध्यक्षमा हितबहादुर रोका र उपाध्यक्षमा जन रोकालाई उम्मेदवार बनाएको छ । माओवादी केन्द्रले आफ्नो पकड क्षेत्र भन्दै आएको थवाङमा अध्यक्षमा वीरबहादुर घर्ती ‘वियोग’ र उपाध्यक्षमा रामकिरणी रोकामगर उम्मेदवार बनाएको छ ।