back

उदयपुरको त्रियुगा र बेलका नगरपालिकामा एमाले विजयी

वि.सं.२०७४ असार २३ शुक्रवार

132 

shares
Global IME AD
NMB Bank Limited Long Ad Banner

 २३ असार, गाईघाट (उदयपुर) । गएराति सम्पन्न भएको मतगणनाको अन्तिम परिणामअनुसार उदयपुर जिल्लाको मतगणना घोषणा गर्न बाँकी रहेको त्रियुगा नगरपालिका र बेलका नगरपालिकामा नेकपा (एमाले)ले विजय हासिल गरेको छ ।

जिल्लाको त्रियुगा नगरपालिकामा नेकपा (एमाले)का प्रमुखका उम्मेदवार बलदेव चौधरी ११ हजार ३६८ मत प्राप्त गरेर प्रमुख पदमा विजयी हुनुभएको छ भने उहाँका प्रतिद्वन्द्वी नेपाली काँग्रेसका बसन्त बस्नेतले ११ हजार २९५ मत प्राप्त गर्नुभएको छ ।

यस्तै, उपप्रमुखमा भने नेकाका उम्मेदवार देवी चौधरी ११ हजार ३२२ मत प्राप्त गरेर विजयी हुनुभएको छ भने उहाँका निकटतम प्रतिद्वन्द्वी नेकपा (एमाले)का गीता रेग्मीले ११ हजार २७८ मत प्राप्त गरेको मुख्य निर्वाचन अधिकृत महेन्द्रबहादुर कार्कीले बताउनुभएको छ ।

यस्तै, जिल्लाको बेलका नगरपालिकाको प्रमुख र उपप्रमुख दुवै पदमा नेकपा (एमाले)का उम्मेदवारले विजय हासिल गरेका छन् । बेलकाको प्रमुखमा एमालेका दुर्गाकुमार थापा पाँच हजार ८१८ मत प्राप्त गरेर विजयी हुनुभएको छ भने उपप्रमुखमा एमालेकै राजकुमारी चौधरीले ६ हजार १३१ मत प्राप्त गरेर विजय हुनुभएको निर्वाचन अधिकृत हरि पोखरेलले बताउनुभयो ।

प्रमुख पदमा थापाका प्रतिद्वन्द्वी नेकाका अशोक कार्की पाँच हजार २६६ मत प्राप्त गर्नुभएको छ भने उपप्रमुखमा पनि नेकाका दीपा राईले पाँच हजार २८६ मत प्राप्त गर्नुभएको छ । उदयपुर जिल्लाको आठ स्थानीय तहमा चार नगरपालिका र चार गाउँपालिकामध्ये अब नेकपा (एमाले)ले जिल्लाका तीन नगरपालिका र तीन गाउँपालिका गरेर ६ स्थानीय तहको प्रमुख पदमा विजय हासिल गरेको छ ।

यस्तै, नेकाले जिल्लाको चौदण्डी नगरपालिकामा मात्र विजय हासिल गरेको छ भने नेकपा (माओवादी केन्द्र)ले जिल्लाको सुनकोसी गाउँपालिकामा विजय हासिल गरेको छ । अब उदयपुरको आठवटा नै स्थानीय तहको दोस्रो चरणको निर्वाचनको मतगणना कार्यसमेत सम्पन्न भएको जिल्ला निर्वाचन कार्यालय उदयपुरले बताएको छ ।

वि.सं.२०७४ असार २३ शुक्रवार ०६:२७ मा प्रकाशित

प्रधानमन्त्री ‘प्रचण्ड’सँग अमेरिकी नौसेनाध्यक्षको शिष्टाचार भेट

प्रधानमन्त्री ‘प्रचण्ड’सँग अमेरिकी नौसेनाध्यक्षको शिष्टाचार भेट

काठमाडौँ । प्रधानमन्त्री पुष्पकमल दाहाल ‘प्रचण्ड’ सँग अमेरिकाको एसिया–प्रशान्त क्षेत्र...

साताको पहिलो दिन दुई हजार बिन्दुभन्दा तल ओर्लियो नेप्से परिसूचक

साताको पहिलो दिन दुई हजार बिन्दुभन्दा तल ओर्लियो नेप्से परिसूचक

काठमाडौँ । साताको पहिलो दिन आज नेपाल स्टक एक्सचेञ्ज (नेप्से)...

मिटरव्याज पीडितसँग वार्ता गर्न गृहले बनायो वार्ता टोली

मिटरव्याज पीडितसँग वार्ता गर्न गृहले बनायो वार्ता टोली

काठमाडौं । गृहमन्त्रालयले राजधानीमा मार्चपास गरिरहेका मिटरव्याज पीडितसँग वार्ता गर्नका...

मानसिक रोगप्रति सरकारले चासो नदिएको सांसदको गुनासो

मानसिक रोगप्रति सरकारले चासो नदिएको सांसदको गुनासो

काठमाडौं । पछिल्ला समयमा देशमा देखिएको आर्थिक समस्याका कारण उत्पन्न...

श्रीमानको मृत्युपछि विक्षिप्त बनेकी २९ वर्षीया फुरदिक सातवर्षदेखि खोरमा

श्रीमानको मृत्युपछि विक्षिप्त बनेकी २९ वर्षीया फुरदिक सातवर्षदेखि खोरमा

खोटाङ । दिक्तेल रुपाकोट मझुवागढी नगरपालिका–१३ नुनथलाकी २९ वर्षीया फुरदिकु...

प्रतिनिधिसभा बैठक : सहकारीपीडितको समस्या समाधान गर्न सरकारको ध्यानाकर्षण

प्रतिनिधिसभा बैठक : सहकारीपीडितको समस्या समाधान गर्न सरकारको ध्यानाकर्षण

काठमाडौँ । प्रतिनिधिसभाको आजको बैठकमा सांसदहरुले विकास निर्माणको क्षेत्रमा भएको...