Logo
१४ माघ २०७८, शुक्रबार
     Fri Jan 28 2022
E-paper
  English Edition
   Unicode
Logo

मालिका गापाद्वारा घरदैलोमै भत्ता वितरण



१३ साउन,म्याग्दी । म्याग्दीको मालिका गाउँपालिकाले सामाजिक सुरक्षा भत्ता घरदैलोमै वितरण गर्न सुरु गरेको छ । गरिमा विकास बैंक, दरबाङ शाखा र वडा कार्यालयको समन्वयमा घरदैलोमै भत्ता वितरण प्रक्रिया शुरु गरिएको हो ।

बिहीबार गाउँपालिकाका प्रमुख श्रीप्रसाद रोका, गरिमा विकास बैंक दरबाङ शाखाका प्रबन्धक नारायणहरि शर्मा, वडा नम्बर १ निस्कोटका वडाअध्यक्ष टंक पुन लगायतको उपस्थितिमा निस्कोटका ७१ जना वृद्धवृद्धालाई सामाजिक सुरक्षाभत्ता वितरण गरिएको छ ।

गाउँमै भत्ता पाउने भएपछि लाभग्राहीलाई गाउँपालिकाको केन्द्र दरबाङ झर्नुपर्ने बाध्यता हटेको छ । गाउँमै भत्ता पाउँदा उनीहरु खुशी भएका छन् । सामाजिक सुरक्षा भत्ता घरदैलोमै वितरण गर्ने गाउँपालिकाको निर्णयबमोजिम निस्कोटबाट उक्त कार्यक्रम शुरु गरिएको गाउँपालिका प्रमुख श्रीप्रसाद रोकाले जानकारी दिनुभयो ।

अध्यक्ष रोकाले सबै वडामा घरदैलोमै पुगेर सामाजिक सुरक्षाभत्ता प्रदान गरिने बताउनुभयो । उहाँले निस्कोटका साथै रुम, देविस्थान, ओखरबोट, विम लगायतका स्थानमा पनि छिट्टै वितरणको तयारी भएको जानकारी दिनुभयो ।

स्थानीय तहको निर्वाचनमार्फत रोका गाउँपालिकाको प्रमुखमा चुनिएपछि सामाजिक सुरक्षाभत्तालाई घरदैलोमै वितरण गर्ने पहिलो निर्णय गर्नुभएको थियो । मालिका गाउँपालिकाको केन्द्र दरबाङमा वित्तीय सङ्घसंस्थाका पहुँच भएपनि ग्रामिण भेगबाट भत्ता लिन आउँदा खासगरी वृद्धवृद्धालाई बढी समस्या भएको थियो ।


यो खबर पढेर तपाईलाई कस्तो महसुस भयो ?

काठमाडौं । नेपाल कम्युनिष्ट पार्टीभित्रको विवाद उत्कर्षमा पुगेको छ । विवाद चलिरहेकै बेला पार्टी

फर्शुराम भुर्तेल । पर्वतको पैयुमा श्रद्धान्जली सभा सम्पन्न गरीएको छ । गण्डकी प्रदेश पर्वत

तनहुँ । खेत मासेर तनहुँमा एक व्यक्तिले रिसोर्ट निर्माण गरेका छन् । पोखरा निवासी

काठमाडौं । नेपालको सम्पुर्ण बैंकिङ क्षेत्रमा लगानीयोग्य पुँजीको तरलतामा समस्या देखिएको छ । झण्डै