हामी सबैकाे संसारन्यूज

२९ साउन । ईङलिश प्रीमियर लिग अन्तर्गत  हिजो राती भएको  खेलमा साबिक बिजेता चेल्सीले वर्न्ली सँगको खेलमा नाटकीय पराजय भोगेको छ ।  चेल्सीको घरेलु मैदान स्टामफोर्ड ब्रीजमा भएको खेलमा चेल्सीले आफ्नै घरेलुु मैदानमा  पराजित  बर्न्ली सँग ३-२ गोल अन्तरले पराजित भएको हो ।

खेलको चौथो मिनेटमा चेल्सीका कप्तान ग्यारी काहिल  रातो कार्ड खादै बाहिरिनु नै चेल्सीको हारको कारण बन्यो ।   चेल्सीको कमजोर डिफेन्स को फाइदा उठाउदै   खेलको २४ औ मिनेटमा  वर्न्लीका साम भोक्स ले गोल गरेका थिए ।  यस्तै खेलको ३९ औ मिनेटमा  स्टेफेन वार्ड ले गोल गर्दै बिजेता टोलीको  अग्रता दोब्बर पारे त्यस लगत्तै  खेलको ४३ औ मिनेटमा साम भोक्सले ब्याक्तिगत दोस्रो गोल गर्दै  पहिलो हाफमा ३-० को स्थितिमा पुर्याएका थिए । दोस्रो हाफको ६९ औ मिनेटमा चेल्सीका मोराटाले गोल गरेर चेल्सीलाई खेलमा फर्काउन खोजेका थिए तर खेलको ८१ औ मिनेटमा चेल्सीका फाब्रीगास दोहोरो पहेलो कार्ड खादै बाहिरिएका थिए । खेलको ८८ औ मिनेटमा  चेल्सीका डेभिड लुईजले गोल गर्दै चेल्सीलाई २-३ को स्थितिमा पुर्याएतापनी हार टार्न सकेनन् ।