हामी सबैकाे संसारन्यूज

एनआरएनए कोरियाको अध्यक्षमा जुनु गुरुङले उम्मेदवारी दिएकी छन् ।  एनआरएनए कोरियाको इतिहासमै पहिलोपटक अध्यक्षमा महिलाको उम्मेदवारी परेको हो ।
कोरियामा रहेको वुमन फर वुमनको पूर्व अध्यक्ष समेत रहेकी गुरुङ एनआरएनए कोरियाको उपाध्यक्ष समेत हुन् ।
केहि समय अघि कोरियामा रहेको नेपाल हाउसमा आयोजित कार्यक्रमका बीच आफ्नो उम्मेदवारी घोषणा गरेकी गुरुङले कोरियामा रहेका नेपालीहरुको हितमा कामगर्न र संघलाई अझ व्यवस्थित तरिकाले अगाडी बढाउनका लागि आफ्नो उम्मेदवारी दिएको बताउँदै आफूलाई साथ र सहयोग गर्नका लागि कोरियामा रहेका नेपालीबीच अनुरोध समेत गरेकी छन् ।
राजधानी सोलमा व्यवसाय गरिरहेकी जुनु समाजसेवामा पनि त्यत्तिकै सक्रिय हुने गरेकी छन् । उनले रोजगारीका लागि कोरिया पुगेर समस्या परेका नेपालीको सहयोगमा तन, मन अनि धनले समर्पित भएर लाग्ने गरेकी छन् ।समाजसेवामा सक्रिय रहेकी जुनुले केही कोरियन सरकारद्धारा मानार्थ नागरिकता समेत पाएकी छन् ।

लम्जुङमा जन्मेर हाल ललितपुर निवासी जुनु गुरुङ सन् २००६ मा विजनेस भिषामार्फत कोरिया पुगेकी हुन् । हाल गुरुङको कोरियाको नेपाली चोक भनेर चिनिने दोङ्देमूनमा शुभेच्छा मार्ट र रेष्टुरेन्ट ब्यबसाय गर्दै आएकी छन् ।

जुनु भन्छिन् ‘यसकारण मेरो उम्मेदवारी’
१–एनआरएनएलाई कोरियमा आधिकारीक रुपमा दर्ता गर्न
२–नेपाल हाउसलाई बास्तविक रुपमा सेल्टर सहितको व्यवस्थगर्न ।
३–एनआरएनए कोरियालाई सम्पूर्ण सामाजिक संस्थाको अगुवा संस्थाको रुपमा विकास गर्न ।
४–कोरियामा आत्महत्या, हृदयघात,मानसिक तनावको कारणले ज्यान गुमाएकाहरुलाई नेपाल सरकारसँग सहकार्य गरी तत्काल समाधानको खोजी गर्न ।
५-एनआरएनएका हरेक कार्यक्रमहरु मजदुरको समस्यमा केन्द्रीत गरी मजदुरमैत्री बनाउने
।
६–कोरियाका नेपाली महिलाहरुको समस्यालाई ध्यानमा राखी बाहिरी मुख्य सहरहरुमा महिला सेल्टर स्थापना गर्न ।