हामी सबैकाे संसारन्यूज

अमित श्रेष्ठ निर्देशित चलचित्र ‘नाका’ को प्रदर्शन मिति सहित टिजर सार्वजनिक भएको छ ।
मिडियापोर्ट र हाइलाइट्स नेपालको सहकार्यमा निर्माण भएको चलचित्र ‘नाका’ यही फागुन १७ गते फागू पुर्णिमाका दिन प्रदर्शन हुने निर्माण पक्षले जनाएको छ । चलचित्रलाई प्रविण टक्की कार्कीले निर्माण गर्न लागेका हुन ।
नेपलि सिनेजगतका एक महँगा कलाकार मानिएका बिपिन कार्की यस चलचित्रका मुख्य पात्र हुन । कार्की भिलेन नाइकेका रुपा देखिने छन । बिपिनसँगै फिल्ममा थिन्ले लामो, रविन तामाङ, शिव मुखिया, प्रकाश गन्र्दभ, सुजन थापा मगर, राम भजन कमत, अभिषेक सुवेदी र केशव राई लगायतका कलाकारहरूको अभिनय छ । नेपाल तिब्बतको नाका मानिने बाह्रबिसे क्षेत्रको कथालाई चलचित्रमा देखाइएको छ ।

चलचित्रमा अभिषेक सुवेदीको लेखनमा अर्जुन कार्कीको स्क्रीन प्ले रहेको छ भने सजन थापाले प्रोडक्सन डिजाईन गरेका छन । शिशिर गुरुङ र केदार श्रेष्ठ एक्जुकेटिभ प्रोड्युसरसंगै राजकुमार लमिछाने, बिनय पोख्रेल र निरज श्रेष्ठ असोसिएट प्रोड्युसर भई चलचित्र निर्मण्मा सहयोग गरे ।
यसैगरी सुजन परियार र रन्जित क्षत्रीले संयुक्त स्टाईल दिएका छन । निर्देशक अमित श्रेष्ठलाई सफल के.सी, अम्बित खड्गि, रुरु पोख्रेलले सहनिर्देशनमा साथ दिएका छन । प्रोडक्सनमा समर रानाभाट, बिनिश तिमल्सिना, जिवन थापा, सुरेन्द्र रन्जित्कार रहे साथै मिलन तिवारीले मार्केटिगंमा छन ।

बिपिन कार्की अभिनित लूट, लुट २, पशुपतिप्रसाद, जात्रा जस्ता सफल चलचित्रपछी ‘नाका’ मा देखिने भएका हुन । पशुपतिप्रसादमा ‘भस्मे डन’ का नामले परिचित बिपिनलाई अब नेपली चलचित्रप्रेमिहरुले ‘गोल्डी डन’ को भुमिकामा देख्न पाउने छन् । टिजरमा देखिएको बिपिनको नँया लुक्स्लाई सबैले प्रसंसा गरेका छन । चलचित्र कमेडि एक्सन थ्रिलर भएकाले सबैजसो दर्शकहरुका लागि बनेको निर्मण पक्षले जनाएको छ । साथै चिन्तन राजभण्डारीको सिनेमेटोग्राफी रहेको छ ।

मिडियापोर्टले कबड्डी, तन्द्रो, लुट २ मा सहकार्यपछी हाइलाइट्स नेपालको सहकार्यमा अफ्नै ब्यानरमा पहिलो व्यवसायीक चलचित्र गर्न लागेको हो । चलचित्र नँया विषय वस्तुमा बनाईएकाले दर्शकको साथ पाउने निर्मण पक्षले दावी गरेको छ ।