हामी सबैकाे संसारन्यूज

नबिल बैंकद्वारा प्रवद्र्घित नबिल फाउण्डेसनले बाटुलेचौरको गोकर्णेश्वर स्थित रामजानकी आधारभूत विद्यालयका कक्षा ८ सम्मका स–साना छात्रछात्राहरुलाई ब्याग तथा सिसा कलम बितरण गरेको छ । नबिल फाउण्डेसनका अध्यक्ष दयाराम गोपाल अग्रवाल तथा संचालक माधवप्रसाद रेग्मीले सरस्वती पूजाको दिन सो सामाग्री विद्यालयका छात्रछात्राहरुलाई बितरण गरेका हुन् । सो कार्यक्रम गोकर्णेश्वर नगरपालिकाका मेयर सन्तोष चालिसे तथा शिक्षा मन्त्रालयका प्रवक्ता डा. हरी लम्सालको आतिथ्यतामा सम्पन्न भएको थियो ।

श्री राम जानकी आधारभूत विद्यालय परिवारले छात्रछात्राहरुलाई सहयोग स्वरुप उपलब्ध भएका सरसामानका लागि फाउण्डेसन परिवारलाई धन्यवाद प्रदान गरेको थियो । फाउण्डेसनका अध्यक्ष दयाराम गोपाल अग्रवालले शिक्षा क्षेत्रमा केही सहयोग गर्न सकिएको खुसी ब्यक्त गरे ।