हामी सबैकाे संसारन्यूज

बलिउड नायिका श्रीदेवीको दुवई मृत्यु भएको छ ।  आफ्ना भान्जाको विवाहको लागि परिवार सहित दुवई पुगेकी श्रीदेवीको हृदयघातका कारण मृत्यु भएको बताईएको छ ।
आफ्ना श्रीमान बोनी कपुर र कान्छी छोरी खुसीसँगै आइतबार दुवई पुगेकी उनको दुवईमै  शनिबार राति ५४ वर्षको उमेरमा मृत्यु भएको हो ।
१९६३ मा तमिलनाडुमा जन्मिएकी श्रीदेवीले १९७५ देखि भारतीय फिल्म क्षेत्रमा प्रवेश गरेकी थिइन् । उनले अभिनय गरेको पहिलो फिल्म ‘जुली’ हो भने १९८३ मा उनी अभिनित हिम्मतवालाले उनलाई भारतीय फिल्म क्षेत्रमा सुपरहिट बनाइदिएको थियो ।
श्रीदेवीको अन्तिम फिल्म ‘माँम’ रहेको छ । ७ जुलाई २०१७ मा उक्त फिल्म रिलिज भएको थियो ।
फिल्म प्रोड्युसर बोनी कपुर सँग १९९६ मा विवाह गरेकी उनले मिस्टर इण्डिया, सोलहवा सावन, हिम्मतवाला, मवाली, तोहफा, नगीना, घर संसार, आखिरी रास्ता, कर्मा, लगायतका धेरै फिल्ममा अभिनय गरेकी थिइन् ।