Sansar News
अन्तराष्ट्रिय नेपाली साहित्य समाज फ्लोरिडा च्याप्टरको अध्यक्षमा निजानन्द मल्ल निर्विरोध चयन भएका छन् ।
त्यस्तै च्याप्टरको वरिष्ठ उपाध्यक्षमा डा. राजेन्द्र शाक्य, महासचिवमा शम्भु कंडेल तथा कोषाध्यक्षमा बिनु पाठक निर्बिरोध निर्वाचित भएका छन् ।
निर्वाचित नयाँ कार्यसमितिले अन्य पदाधिकारीहरुको मनोनयन गर्ने बताइएको छ । नवनिर्वाचित पदाधिकारीहरुको पदस्थापन समारोहको विस्तृत विवरणबारे च्याप्टरले छिट्टै जानकारी गराउने बताएको छ ।
च्याप्टरको निर्वाचन गराउन प्रमुख निर्वाचन आयुक्तमा कृष्ण श्रेष्ठ र निर्वाचन आयुक्तमा डा. चुडामणि खनाल र विकास देवकोटालाई तोकिएको थियो । प्रमुख निर्वाचन आयुक्त श्रेष्ठले २ वर्षे कार्यकालका लागि (सन् २०१८–२०२०) अध्यक्ष पदमा मल्ल निर्बिरोध निवार्चित भएको प्रेसविज्ञप्तिमार्फत जानकारी दिएका छन् ।
वि.सं.२०७४ चैत २१ बुधवार ०९:४८ मा प्रकाशित
