हामी सबैकाे संसारन्यूज

कम्पाला, युगान्डा । गत बर्ष युगान्डामा मृत्युु भएका नेपाली पोस्ट बहादुर बुढाथोकीका परिवारलाई उनी कार्यरत कम्पनीले २३ लाख क्षतिपूर्ति दिएको छ ।
एनआरएनए युगान्डाको पहलमा बुढाथोकी कार्यरत कम्पनी कामुली सुगर लिमिटेडबाट क्षतिपूर्ति र बिमा बापत नेपाली २३ लाख रुपैया क्षतिपूर्ति बुधबार नेपाल पठाइएको एनआरएनए युगान्डाका अध्यक्ष राजमणि भन्डारीले जानकारी दिएका छन् ।

भण्डारीका अनुसार मृतक बुढाथोकीकी आमा इन्द्रमाया बुढाथोकीको खातामा ५,४५० अमेरिकन डलर र छोरी अन्जली बुढाथोकीको नाममा १६,९५० अमेरिकन डलर बैंक बाट पठाइएको हो ।
संघका पूर्बअध्यक्ष रमेश कंडेलका अनुसार छोरी साबालिक हुन्जेल मुद्दती खातामा उनको रकम रहने ब्यबस्था गरिएको छ भने त्यसको ब्याजबाट प्राप्त हुने रकम उनको शिक्षा र पालन पोषणका लागि आमालाई खर्च गर्न दिइने ब्यबस्था गरिएको छ ।