Logo
९ कार्तिक २०७८, मंगलवार
     Tue Oct 26 2021
E-paper
  English Edition
   Unicode
Logo

फुजेल घटनाको मुद्दामा लिखित बहस नोट पेस गर्न अदालतको आदेश



१२ असोज, चितवन । जिल्ला अदालत चितवनले गोरखा फुजेलका कृष्णप्रसाद अधिकारी हत्या अभियोगको बहसपछि लिखित बहस नोट पेस गर्न मंगलबार आदेश दिएको छ ।

जिल्ला न्यायाधीश टेकनारायण कुँवरको एकल इजलासले दुवै पक्षका अधिवक्ताबाट लिखित बहसनोट पेस गर्न लगाई बहस गर्नुहुने कानुन व्यवसायीलाई सम्बन्धित पक्षमार्फत नै जानकारी गराउन आदेश गरिएको हो । २०७३ साल कात्तिक ५ गते अगावै अदालतमा प्रतिवादीले आ–आफ्ना कानुन व्यवसायीले तयार पारेको लिखित बहस अदालतमा पेस गर्नुपर्ने भएको छ ।

सो नोट पेस गरेपछि मुद्दाको अन्तिम सुनुवाइका लागि अर्काे पेशी तारिख तोकिने जिल्ला अदालतका सूचना अधिकारी कृष्णप्रसाद बरालले बताउनुभयो । गम्भीर प्रकृतिका मुद्दामा मात्रै लिखित नोट पेस गर्न लगाउने प्रचलन रहेको छ । तीन दिनदेखि सो मुद्धामा अदालतमा बहस चलेको छ ।

यसअघि वादी नेपाल सरकारका तर्फबाट दुई, जाहेरवालाका तर्फबाट सात र प्रतिवादीका तर्फबाट १२ जनाले बहस गर्नुभएको थियो । यही असोज २ गते जिल्ला अदालतका स्रेस्तेदार गेहेन्द्रराज पन्तले काठमाडौँको वीर अस्पतालमा उपचाररत कृष्णप्रसादकी आमा गङ्गामाया अधिकारीसँग बकपत्र गरी अदालतमा प्रतिवेदनसहित पेस गर्नुभएको थियो ।
सशस्त्र द्वन्द्वको समयमा प्रवेशिका परीक्षा दिएर हजुरबुबा भेट्न पूर्वी चितवनको जयमङ्गला आएको बेला कृष्णप्रसादलाई अपहरण गरी रत्ननगरको बकुलहरमा २०६१ जेठ २४ गते हत्या गरिएको थियो । सो पश्चात् कृष्णप्रसादका बुबा नन्दप्रसाद अधिकारीले आफ्नो छोराको हत्या भएको भन्दै जिल्ला प्रहरी कार्यालय चितवनमा जाहेरी दिनुभएको थियो । त्यसको एक वर्ष छ महिनापछि कृष्णप्रसादका दाजु नुरप्रसादले १३ जनाविरुद्ध किटानी जाहेरी दिएपछि मुद्दा अघि बढेको थियो ।
जिल्ला अदालत चितवनले २०७१ साल वैशाख ४ गते किटानी जाहेरी भएकामध्ये आठजनालाई धरौटीमा र तीनजनालाई साधारण तारिखमा छाडेको थियो । दुईजना अदालतको सम्पर्कमा आएका थिएनन् । जसमध्ये रुद्र आचार्य विदेश रहेको बताइँदै आएको छ भने विष्णु तिवारी पनि फरार छन् । सर्वाेच्च अदालतले पक्राउ गर्न आदेश दिएपछि छविलाल पौडेलसमेत फरार छन् ।

अदालतले सीता अधिकारी, जानुका पौडेल लामिछाने र शुभद्रा तिवारीलाई साधारण तारेखमा छाडेको छ भने भीमसेन भनिने भीष्म पौडेल, हिमलाल अधिकारी, ठूलो रामप्रसाद अधिकारी र पर्शुराम पौडेल (अजीव)लाई प्रतिव्यक्ति २७ हजार रुपैयाँ धरौटी राखेर तारिखमा छोडेको छ । त्यसैगरी मेघनाथ पौडेल, कालीप्रसाद पौडेल, छविलाल पौडेल र रामप्रसाद अधिकारीलाई जनही २० हजार धरौटी राखी तारिखमा छाडेको छ । रासस


यो खबर पढेर तपाईलाई कस्तो महसुस भयो ?

काठमाडौँ । सरकारले सरकारी स्वामित्वको नेपाल पुनर्बीमा कम्पनी लिमिटेड सञ्चालक समितिको अध्यक्षमा डा.रविन्द्र घिमिरेलाई

काठमाडौं । राष्ट्रिय सभाका २० सांसदको पदावधि आगामी फागुन २० मा सकिने भएको छ

८ कार्तिक, काठमाडौँ । एनआईसी एशिया बैंकले गत आर्थिक वर्षको मुनाफाबाट शेयरधनीहरुलाई लाभांश वितरण

काठमाडौं । गत आर्थिक वर्ष २०७७/०७८ मा आफ्नो निर्देशन उल्लंघन गर्ने विभिन्न आठ वाणिज्य

काठमाडौं । स्याङ्जा जिल्ला चापाकोट नगरपालिकाका मेयरमा नेपाली कांग्रेशका पुराना कार्यकर्ता शिव कुमार गिरी