हामी सबैकाे संसारन्यूज

१५ असोज,काँकडभिट्टा (झापा)  । झापामा आजदेखि ‘मेरो रेडियो’ १०५ मेगाहर्जको नियमित प्रशारण सुरु भएको छ ।

जिनियस मिडिया प्रालिद्वारा सञ्चालित सो रेडियोको सामान्य प्रशासन मन्त्री केशवकुमार बुढाथोकीले आज उद्घाटन गर्नुभएको हो । शनिअर्जुन नगरपालिकामा स्थापित उक्त रेडियो जिल्लाको १५औं रेडियो हो । सो अवसरमा मन्त्री बुढाथोकीले स्थानीय निकायको भौगोलिक र प्रशासनिक पुनःसंरचना एकसाथ गरिनुपर्ने बताउनुभयो ।

“राज्यको भौगोलिक पुनःसंरचना मात्र सकेर निर्वाचन गराउँदा प्रशासनिक अन्योल हुन्छ, स्थानीय निकायाको निर्वाचनअघि नै दुवै क्षेत्रको पुनःसंरचना टुङ्ग्याउनुपर्छ,” उहाँले भन्नुभयो । नयाँ संविधानसँग असन्तुष्ट रहेका मधेसी दलसँग राज्यको भौगोलिक पुनः संरचनाको छिनोफानो गर्ने विषयमा वार्ता सकारात्मक ढङ्गबाट अघि बढिरहेको मन्त्री बुढाथोकीले बताउनुभयो । रासस