१५ असोज, काठमाडौँ । दार्चुलाको धुलिगडा गाविसमा आज पहिलो पटक बस पुगेको छ ।
यसअघि जीप मात्र सञ्चालनमा रहेको सो गाविसमा महाकाली यातायातको ना ४ ख ५३३६ नम्बरको बस पुगेको स्थानीय बहादुरसिंह ठगुन्नाले जानकारी दिनुभयो । उक्त ठाउँमा आजदेखि नियमितरुपमा बस सेवा सञ्चालन हुने बताइएको छ ।
धुलिगडा गाविसमा बस पुगेपछि धुलिगडा, सिप्टी, खार, इयरकोट, रानीशिखर र देथला गाविसका नागरिकलाई आवतजावतमा सहज हुने बताइएको छ । रासस
