Sansar News
बेल्जियममा कास्कीका प्रेम बहादुर गुरुङको मृत्यु भएको छ । कास्कीको ताइतिङ घर भइ बेल्जियमको ब्रुगे सहरमा लामो समयदेखि दुई छोरी, छोरा र श्रीमतीसहित बस्दै आएका खड्क बहादुर (प्रेम) गुरुङको जुन ३० (असार १६) का दिन मृत्यु भएको तमु समाज बेल्जियमले जनाएको छ ।
तमु समाज बेल्जियमका सक्रिय सदस्य समेत रहेका गुरुङको उपचारका क्रममा मृत्यु भएको तमुसमाज बेल्जियमका महासचिवले बताएका छन् ।
चिरपरिचित गायक तथा समाजसेवी गुरुङको मृत्युले स्तब्ध भएको भन्दै नेपाली जनप्रगतिशील मंच बेल्जियमका अध्यक्ष जीत लामाले दुःख व्यक्त गरेका छन् ।
वि.सं.२०७५ असार १७ आइतवार १६:४० मा प्रकाशित
