२८ असोज, बैतडी । एघार दिनदेखि बेपत्ता रहेकी एक सुत्केरी हिजो मृत फेला परेकी छन् ।
मृत भेटिनेमा थलाकडा–८ का वीरेन्द्रसिंह धामीकी २० वर्षीया श्रीमती पार्वती रहेको जिल्ला प्रहरी कार्यालयका प्रहरी नायब उपरीक्षक बालनरसिंह राणाले जानकारी दिनुभयो ।
यही असोज १७ गते सुत्केरी भई घरमै भएको अवस्थामा घरपरिवारलाई जानकारी नदिई बेपत्ता भएकी पार्वती हिजो घर नजिकै मृत फेला परेकी उहाँका जेठाजु रामसिंहले फेला पारेपछि प्रहरीलाई खबर गरिएको थियो । रासस
