back

इलामको घरेलु चियाको माग अन्तर्राष्ट्रियस्तरमा 

वि.सं.२०७३ असोज २८ शुक्रवार

216 

shares
Global IME AD
NMB Bank Limited Long Ad Banner

 

इलाम  । घरेलु उद्योगमार्फत यहाँका किसानले उत्पादन गरेको गुणस्तरीय चियाको माग अन्तर्राष्ट्रियस्तरमा बढ्दै गएको छ ।

अन्तर्राष्ट्रियस्तरमा चियाको माग बढेसँगै घरेलु उद्योगसमेत बढ्दै गएका छन् । यहाँ उत्पादित अर्गानिक चिया अन्य कारखानाको चियाभन्दा महँगो मूल्यमा बिक्री हुने गरेको किसान बताउँछन् । मङ्गलबारेस्थित गुफाथुम्की अर्गानिक टी म्यानुफ्याक्चरका प्रोप्राइटर अम्बरबहादुर राईले आफ्नो उद्योगले हरियो चिया नै प्रतिकिलो दुई सय ५० देखि दुई सय ८० रूपैयाँमा खरिद गर्ने गरेको बताउनुभयो । जब कि अन्य कारखानामा २० देखि ५० रूपैयाँको बीचमा हरियो चियापत्ती खरिद बिक्री हुन्छ ।विषादी र रासायनिक मल प्रयोग नभएको अर्गानिक र स्पेसल चिया बनाउन प्रयोग हुने चियाको एक पात एक सुइरोको चिया खरिद गरी हातले प्रशोधन गरेको चिया राजधानी र विदेशमा बिक्री हुने गरेको उद्यमीको भनाइ छ ।

हिमशिखर चिया प्रशोधन उद्योग मङ्गलबारेमा उत्पादित चिया खरिदका लागि रसियाली व्यापारी उद्योगमै आउने गरेका छन् । हातले बनाएको र सानो उद्योगको चिया गुणस्तरीय हुने भएकाले बजारमा माग बढेको छ । स्पेसल चियामा घरेलु उद्योगले गोल्डेन, ग्रिन, ह्वाइट, ब्ल्याक टी आदि बनाउने गरेका छन् ।

यस्तै, कफी स्वादको चिया पनि भर्खरै बजारमा आएको छ । यस्तो तयारी अर्गानिक अर्थोडक्स चियाको मूल्य उद्योगले प्रतिकिलो रु तीन हजार पाँच सयसम्ममा बिक्री गर्ने गरेका छन् । फाकफोकस्थित तीनजुरे चिया कारखानाले पनि विगतदेखि नै अर्गानिक चिया उत्पादन गरिरहेको छ । यहाँको चिया किन्न जर्मनीका व्यापारी टोली कारखानासम्म पुगेको र चियाको गुणस्तर परीक्षणसमेत गरेको कारखानाका होमनाथ तिम्सिनाले बताउनुभयो ।

“चिया खरिद गर्न जर्मनीबाट व्यापारी टोलीलाई दिन अर्गानिक चिया धमाधम तयार गरिरहेका छौँ”, तिम्सिनाले भन्नुभयो, “यहाँको चिया जर्मनीलगायत अन्य मुलुकसम्म सजिलै निर्यात हुन्छ ।”

विदेशी व्यापारीले यहाँको अर्गानिक चियालाई रु एक हजारदेखि पाँच हजारसम्म मूल्य दिने गरेको किसान तथा उद्योगीले बताएका छन् । चियाका घरेलु उद्योगलाई प्रोत्साहन गर्न सरकारी अनुदान आवश्यक रहेको उनीहरूको माग छ ।

चिया उत्पादनका लागि प्रख्यात इलाममा ८० वटा साना तथा घरेलु उद्योग सञ्चालनमा रहेको घरेलु तथा साना उद्योग विकास समितिले जनाएको छ । रासस

वि.सं.२०७३ असोज २८ शुक्रवार १५:३८ मा प्रकाशित

डलरको भाउ बढ्यो, यस्तो छ अन्य मुद्राको विनिमय दर

डलरको भाउ बढ्यो, यस्तो छ अन्य मुद्राको विनिमय दर

काठमाडौं । आजको नेपाली बजारमा विदेशी मुद्राको भाउ यसप्रकार रहेको...

बाली विज्ञान विषय पढ्ने विद्यार्थीले उत्पादन गरेको च्याउ बजारमा

बाली विज्ञान विषय पढ्ने विद्यार्थीले उत्पादन गरेको च्याउ बजारमा

गलेश्वर (म्याग्दी) । प्राविधिक शिक्षालयमा अध्ययनरत विद्यार्थीहरु पढाइका अतिरिक्त आम्दानीसँग...

निरन्तर उकालो यात्रामा नेप्से, १३ मध्ये ६ उपसमूहको मूल्यमा गिरावट

निरन्तर उकालो यात्रामा नेप्से, १३ मध्ये ६ उपसमूहको मूल्यमा गिरावट

काठमाडौँ । धितोपत्र बजारमा शेयर कारोबार मापक नेप्से परिसूचक आज...

राष्ट्रिय वाणिज्य बैंक र नेपाल भलिबल संघबीच सम्झौता

राष्ट्रिय वाणिज्य बैंक र नेपाल भलिबल संघबीच सम्झौता

काठमाडौं । राष्ट्रिय वाणिज्य बैंक र नेपाल भलिबल संघबीच सम्झौता...

पालिकाद्वारा हिउँद र वर्षा दुवै मौसममा कृषि बाली हरियाली पार्ने ‘पोखरी योजना’

पालिकाद्वारा हिउँद र वर्षा दुवै मौसममा कृषि बाली हरियाली पार्ने ‘पोखरी योजना’

चौतारा । सिन्धुपाल्चोकको चौतारा साँगाचोकगढी नगरपालिका–११ ले हिउँद र वर्षा...

चार कठ्ठा जग्गामा तरकारी खेतीबाट मनाग्य आम्दानी गर्दै दलबहादुर

चार कठ्ठा जग्गामा तरकारी खेतीबाट मनाग्य आम्दानी गर्दै दलबहादुर

कञ्चनपुर । बेदकोट नगरपालिका–४ बैतोडाका दलबहादुर बोहराले थोरै जग्गामा तरकारीखेती...