Sansar News
२९ असोज, काठमाडौ । क्यानाडको तल्लो सदन हाउस अफ कमन्स र माथिल्लो सदन सिनेटका सदस्यको सहभागितामा क्यानडा–नेपाल संसदीय मैत्री संघ गठन भएको छ । क्यानाडास्थित नेपाली दूतावासका उपप्रमुख दिलीप पौडेलका अनुसार हाउस अफ कमन्सका सदस्य जेन ताङको अध्यक्षतामा सात सदस्यीय कार्यकारी समिति निर्वाचित भएको हो । क्यानडाको संसदको उपसभामुख ब्रुस स्टानटोनको अध्यक्षतामा संसदको समिति कक्षमा बैठकले उक्त कार्यसमिति गठन गरेको हो । बैठकमा हाल क्यानडा भ्रमणमा रहेका संस्कृति, पर्यटन तथा नागरिक उडड्यनमन्त्री जीवन शाही उपस्थित थिए ।
स्रोत : अन्नपूर्ण पोष्ट दैनिक
वि.सं.२०७३ असोज २९ शनिवार ०९:३० मा प्रकाशित
