हामी सबैकाे संसारन्यूज

१ असोज, काठमाडौं । निर्मला पन्त बलात्कारपछि हत्या घटनामा सैनिक माथि पनि अनुसन्धान गर्न उच्चस्तरीय छानबिन समितिले सुझाव दिएको छ ।

घटनास्थलबाट सेनाको २५ नम्बर बाहिनी नजिकै भएकोले घटनामा सैनिकको समेत संलग्नता हुन सक्ने आंकलनमा त्यस्तो सुझाव दिइएको आजको नयाँपत्रिका दैनिकमा समाचार छ ।

निर्मलाको शब भेटिएको स्थानबाट करिब ३ किलोमिटरको दूरीमा सेनाको बाहिनी छ । बलत्कारपछि घाँटीको ‘कर्ड’ न्याकेर निर्मलाको हत्या भएको पोस्टमार्टम रिर्पोटमा खुलेको छ ।

‘तालिम प्राप्त व्यक्तिले यसरी हत्या गर्ने सम्भावना धेरै हुन्छ,’ छानबिन समितिका एक सदस्यले भने, ‘त्यहि आधारमा बाहिनीबाट त्यो दिन बाहिर निस्किएका सैनिकमाथि पनि अनुसन्धान गर्न सुझाव दिएका छौं ।’