Sansar News
३ कात्तिक,महोत्तरी । गौशालाको एक आयल स्टोर्सको पेट्रोल ट्याङ्कीमा मट्टितेल मिसावट गर्न लागेका अवस्थामा प्रहरीले एक जनालाई रङ्गेहात पक्राउ गरेको छ ।
आज दिउँसो गौशाला नगरपालिका–७ स्थित जिरोमाइलमा सञ्चालित जनक आयल स्टोर्सका सञ्चालक नवीनकुमार श्रेष्ठलाई प्रहरीले पेट्रोल ट्याङ्कीमा मट्टितेल मिसावट गर्न लागेका अवस्थामा पक्राउ गरिएको इलाका प्रहरी कार्यालय गौशालाले जनाएको छ ।
सञ्चालक श्रेष्ठले यसअघि पनि यसरी नै पेट्रोलमा मट्टितेल मिसावट गरेर बिक्री वितरण गर्दै आएको स्थानीयले बताएका छन् । रासस
वि.सं.२०७३ कात्तिक ३ बुधवार १४:०७ मा प्रकाशित
