हामी सबैकाे संसारन्यूज

७ असोज, काठमाडौँ । जर्मनीले नेपाललाई २ वर्षको लागि ५५ दशमलब ६ मिलियन युरो ७ अर्ब ५० करोड रुपैयाँ अनुदान दिने सहयोग गर्ने भएको छ ।

यसका साथै ऊर्जा दक्षता कार्यक्रम अन्तर्गत लेखनाथ– दमौली २२० केभी प्रसारण लाइन परियोजना निर्माणको लागि थप १५ मिलियन युरो पनि जर्मनीले नेपाललाई सहायता दिने भएको छ ।

नेपाल जर्मनी विकास सहायता सम्बन्धी वार्तामा नेपालको तर्फबाट अर्थ मन्त्रालयका सहसचिव श्रीकृष्ण नेपाल र जर्मनी सरकारको तर्फबाट केएफडब्लु विकास बैंकको दक्षिण एसिया क्षेत्रीय व्यवस्थापक यस्मिन तवफिकले हस्ताक्षर गरेका हुन् ।

वार्तामा जर्मनी सरकारबाट ऊर्जा, स्वास्थ्य तथा दीगो आर्थिक विकासका क्षेत्रमा जारी आयोजनाहरुलाई निरन्तरता दिँदै थप आयोजनाको लागि समेत प्रतिबद्धता प्राप्त भएको अर्थमन्त्रालयले जनाएको छ ।

जर्मनी सरकारबाट नेपाललाई नवीकरणीय ऊर्जा, स्वास्थ्य, नगर विकास, शान्ति कोष, भूकम्पपछिको पुनर्निर्माण तथा दीगो आर्थिक विकास जस्ता क्षेत्रहरुमा सहयोग प्रदान गर्दै आएको छ ।