Sansar News
बेरुत । लेबनानमा रहेका सयौँ सिरियाली शरणार्थीहरू सोमबार स्वदेश फर्किएका छन् ।
सिरियाको त्रिपोली र नाबातैलगायतका विभिन्न ठाउँका गरी झण्डै ८३५ जना सिरियाली शरणार्थी स्वदेश फर्किएका हुन् ।
लेबनान रेडक्रसको समन्वयमा उनीहरूलाई १५ वटा बसमा आफ्नो देश फर्काइएको अधिकारीहरूले जानकारी दिएका छन् ।
“आफ्नै ठाउँमा फर्किन पाएकोमा हामी धेरै खुशी छौँ, यहाँको सुरक्षा अवस्थामा सुधार आएकोमा पनि हामी विषेश हर्षित छौँ,” स्वदेश फर्केका एक जना सिरियाली शरणार्थी हसन अल खबितले सिन्ह्वासँग भने ।
स्वदेश फर्किएका शरणार्थीहरू मिलेर पुनः निर्माण तथा पुनः व्यवस्थापनका कामहरू गर्ने तयारी उनीहरूले गरेको बताएका छन् ।
संयुक्त राष्ट्रसंघको शरणार्थी सम्वन्धी उच्च आयुक्तको कार्यालयले सिरियाका झण्डै दश लाख शरणार्थी लेबनानमा रहेको जनाएको छ । झण्डै दश लाख दर्तामा देखिएपनि दर्ता नभएको समेत गरेर झण्डै १५ लाख सिरियाली शरणार्थी लेबनानमा रहेको आयुक्तको कार्यालयको भनाई छ ।
वि.सं.२०७५ असोज ३० मंगलवार १२:३१ मा प्रकाशित
