Sansar News
६ मङ्सिर, सिड्नी । भारतीय राष्ट्रपति रामनाथ कोविन्द चारदिने भ्रमणका क्रममा बुधबार बिहान अष्ट्रेलिया पुगेका छन् ।
टापूले घेरिएको राष्ट्र अष्ट्रेलियामा भारतीय राष्ट्रपति कोविन्द, उनका श्रीमती सविता कोविन्दलगायतलाई उच्चस्तरीय सरकारी अधिकारीले स्वागत गरेका थिए ।
द्वीपक्षीय यस भ्रमणको क्रममा उनले अष्ट्रेलियामा रहेका भारतीय नागरिकलाई सम्बोधन गर्ने जनाइएको छ । त्यसैगरी उनले अष्ट्रेलियामा रहेको महात्मा गान्धीको शालिकलाई गान्धीको १५०औँ जन्मजयन्तीको उपलक्षमा अनावरण गर्ने कार्यक्रम रहेको छ ।
राष्ट्रपति कोविन्दको यस भ्रमणको क्रममा भिक्टोरियाका गभर्नरसँग भेटवार्ता गर्ने कार्यक्रम रहेको छ । मेलर्बन विश्वविद्यालयका विद्यार्थीहरूलाई सम्बोधन गर्नेछन् ।
यसअघि राष्ट्रपति कोविन्द भियतनामको चारदिने भ्रमणमा थिए । उनले भियतनामको राष्ट्रियसभालाई सम्बोधन गर्नु साथै त्यहाँका राष्ट्रपतिसँग भेटवार्ता गरेका थिए ।
वि.सं.२०७५ मंसिर ६ बिहीवार ०९:३१ मा प्रकाशित
