हामी सबैकाे संसारन्यूज

८ कात्तिक,लितपुर । वर्षौंदेखि सञ्चालनमा भएरपनि दर्ता नभएका स्वास्थ्य संस्थाहरु धमाधम दर्ता हुन थालेका छन् । दर्ता नभै सञ्चालन भएका स्वास्थ्य संस्थाहरुलाई सरकारले कार्वाही गर्ने भएपछि यसरी दर्ता हुने त्यस्ता संस्थाहरु दर्ता भएका हुन् ।
यो आव सुरु भएपछि १० वटा पुराना स्वास्थ्य संस्था दर्ता भएको जिल्ला जनस्वास्थ्य कार्यालयले जनाएको छ । अहिले दर्ता भएर सञ्चालन भएका स्वास्थ्य संस्था १२१ पुगेको छ ।

कार्यालयका सूचना अधिकारी हरिओम पोखरेलले अनुगमनका क्रममा कारबाहीमा परेका स्वास्थ्य संस्थाहरु प्रक्रियामा आइरहेको बताउनुभयो । उहाँले भन्नुभयो – “वाणिज्य विभागको अनुगमनका क्रममा भेटिएका दर्ता नभएका स्वास्थ्य संस्थालाई कारबाही गरेपछि अरु संस्था पनि अहिले प्रक्रियामा आइरहेका छन् ।”
अनुगनका क्रममा दर्ता नभएको पाइएकाले विभागले ताला लगाएका संस्था दर्ता पछि जिल्ला जनस्वास्थ्य कार्यालयको सिफासिरमा खुलाइएको थियो ।

जिल्लामा धेरै स्वास्थ्य संस्था दर्ता प्रक्रियामा आएका छैनन् । दर्ता नगर्ने ठूला अस्पतालभन्दा पनि साना स्वास्थ्य संस्था र साना ल्याब धेरै छन् ।

जिल्लामा सञ्चालनमा रहेका सबै स्वास्थ्य संस्थाले नियमित प्रतिवेदन बुझाउनुपर्ने कानुनी व्यवस्था छ । रासस