हामी सबैकाे संसारन्यूज

अष्ट्रेलिया । गोरखा समाज अस्ट्रेलियाले मानव सेवा आश्रमलाई रू १२ लाख सहयोग गरेको छ । समाजले गत जुलाई २३ र २४ गते सिडनीको क्रोडनमा सञ्चालन गरेको  श्रीमद्भागवत महापुराणमा संकलित उक्त रकम आश्रमलाई प्रदान गरिएको हो । उक्त रकम गोरखामा मानव सेवा आश्रमको सेवा बिस्तारका लागि प्रयोग गरिने मानव सेवा आश्रमले जनाएको छ ।
ुसड़क मानबमुक्त नेपालुको अभिस्ट राखेर हेटौडा, चितवन, काठमाण्डौ, बिरगंज लगायतका बिभिन्न शहरहरूमा परोपकारी सँस्था सञ्चालन गर्दै आएको मानब सेवा आश्रमले गोरखा समाज अस्ट्रेलियाबाट प्राप्त हुने उक्त रकम गोरखा, तनहु, धादिंग लगायतका जिल्लाहरूमा कस्टकर जीवन जिउन बाध्य भएका सेवापेक्षीहरुको सेवा बिस्तारका लागि नयाँ शाखा स्थापनार्थ उपयोग गर्ने जनाएको छ ।
३० जना क्षमताको सेवागृह स्थापनाका लागि रू २४ लाख लाग्ने प्रारंभिक अनुमान गरिएकोमा अपुग रकम सहयोगका लागि सम्पूर्ण सहयोगी मन तथा संघ संस्थाहरूलाई हार्दिक अनुरोध गरिन्छ । मानब सेवा आश्रमको यस पवित्र कार्यमा सहयोग गर्न चाहनुहुने ब्यक्ति तथा संघ संस्थाले मानवसेवा आश्रमलाई सोझै वा गोरखा समाज अस्ट्रेलिया मार्फत सहयोग गर्न सक्नुहुनेछ ।

श्रीमद्भागवत महापुराणमा भक्तालुजनबाट सप्रेम प्रदान गरिएको दान तथा ब्यबसायिक प्रायोजनहरूबाट हालसम्म प्राप्त भएको अस्ट्रेलियन डलर ३८,४६५ मध्य ब्यबस्थापकीय खर्च कटाएर १५,२१२ डलर बाँकी हुन आएको थियो । समाजको पूर्व प्रतिबद्दता बमोजिम १० प्रतिसत रकम अस्ट्रेलियमा बिद्यार्थी कल्याणकारी कोषमा छुट्याएर बाँकि रकम मानव सेवा आश्रमलाई प्रदान गरिएको हो ।
गोरखा समाज अस्ट्रेलियाको यस कार्यक्रम सफल बनाउन सहयोग गर्नुहुने सम्पूर्ण प्रायोजकहरू, दाताहरु, अहोरात्र खटी श्रमदान गर्ने स्वयंसेबक साथीहरू, सल्लाह सुझाब दिनुहुने आदरणिय अग्रज ब्यक्तित्वहरु, बिभिन्न सञ्चार माध्यम र सञ्चारकर्मी साथीहरू, प्रमुख वाचक वाचन प्रवीण दीनबन्धु पोखरेल, वाचनमा सहयोग पूर्याउनुहुने वाध्यबादक समूहका साथीहरू र सम्पूर्ण श्रद्धालु भक्तजनहरुमा गोरखा समाज अष्ट्रेलियाका सल्लाहकार रामकुमार श्रेष्ठले हार्दिक आभार ब्यक्त गर्दै आगामी दिनहरुमा पनि यस्तै सहयोग, सल्लाह र सुझाबका  अपेक्षा व्यक्त गरेका छन् ।