९ कात्तिक गाजनी (अफगानिस्तान) । अफगानी सरकारी सुरक्षा कारबाहीमा यहाँको उत्तरी गाजनी प्रान्तमा बितेको २० दिनमा कम्तिमा ३७० जना तालिवान विद्रोही लडाकूको मृत्यु भएको प्रान्तीय प्रशासक अब्दुल करिम माटिनले सोमबार बताउनुभएको छ ।
सुरक्षा कारबाहीमा विगत २० दिनमा प्रान्तीय राजधानी गाजनी, देयक, एन्डार र गिरो क्षेत्रमा ३७० जना तालिवान लडाकू मारिएका र १४८ जना घाइते भएको माटिनले बताउनुभयो ।
कारबाहीमा उक्त समयमा ३५ सुरक्षाकर्मीले समेत सहादत प्राप्त गरेको सरकारी अधिकराीले बताएका छन् ।
तालिवान नियन्त्रित कान्दाहार काबुल राजमार्ग क्षेत्रमा सुरक्षाकर्मीलाई जान रोक लगाउने क्रममा भएका भीडन्तमा उक्त ठूलो सङ्ख्यामा हताहती हुन पुगेको सेनाले जनाएको छ ।
यससँगै उक्त क्षेत्रमा तालिवान लडाकूद्वारा राजमार्गमा गराइएका सम्पूर्ण अवरोध सफा गरी नियमित यातायात सञ्चालन गर्न पनि सुरक्षाकर्मी सफल भएको जनाएको छ । सिन्ह्वा
