११ कात्तिक, जाकार्ता (इण्डोनेसिया) । इन्डोनेसियाको एउटा अवैध सुनखानीमा पानी र हिलोले थुनिएर बुधबार ११ जनाको मृत्यु भएको छ ।
सुमात्रामा रहेको सो खानीमा उनीहरू निकै साँधुरो बाटोबाट भित्र छिरेका थिए । उनीहरू भित्र भएकै बेला भारी वर्षा भएपछि पानी र माटोको ढिस्का उनीहरू भएको ठाउँमा झरेर उनीहरू थुनिएको बताइएको छ ।
प्रहरी प्रवक्ता कुस्वाह्युदी ट्रेस्नादीले घटनामा परी मृत्यु भएकाहरू २१ देखि ५५ वर्षका रहेको जानकारी दिनुभयो । भित्र रहेका कोही पनि बाँचेको आशा नगरिएको उहाँले बताउनुभयो ।
इण्डोनेसियाका सुनखानीमा यस्तै घटना भएर मानिसहरूको मृत्यु हुने घटना पछिल्ला केही वर्षदेखि निकै धेरै भएका छन् । एएफपी
-->
