Logo
२१ मंसिर २०७८, मंगलवार
     Tue Dec 7 2021
E-paper
  English Edition
   Unicode
Logo

ईज्जत



यदि ईज्जत किन्ने बजार हुन्थ्यो भने
म, कति ठूलो व्यापारी बन्थे होला
गोष्ठि, सम्मेलन, पारिवारीक भेटघाट,
बिहे अनि ब्रतबन्धहरुमा
म, ईज्जतको टोकरी बोकेर
एउटा कुनामा
व्यापार गरिरहेको हुन्थे होला !

हो, यदि ईज्जतको बजार हुन्थ्यो भने
बरु, घाँटा नै लागेपनि,
वर्षौ लगाएर, संस्कार र शिक्षाले
मलजल गरेर हुर्काएका
छोरीहरुको बिहेमा दाइजोको सट्टामा म,
दुई–चार मुरी ईज्जत सित्तैमा फालिदिन्थे होला !

हो, यदि ईज्जतको बजार हुन्थ्यो भने
बलात्कार गर्ने दानवहरुको
सबै ईज्जत किनेर
म, बलात्कृत हुने पीडितको आँचल
ईज्जतले भरिदिन्थे होला !

साच्चै, इज्जतको बजार हुन्थ्यो भने,
म कति ठूलो व्यापारी हुन्थे होला,
म कहाँ मानविय संवेदनाहरुको
पोकाहरु बोकेर इज्जत साट्नेहरुको
लामो लाइन लाग्थ्यो होला !

हो, यदि ईज्जतको बजार हुन्थ्यो भने
के ईज्जतको परिभाषा परिवर्तन हुन्थ्यो होला ?

कार्की, गैरआवासीय नेपाली संघ (एनआरएनए) को अफ्रिकाका संयोजक हुन् ।

 


यो खबर पढेर तपाईलाई कस्तो महसुस भयो ?

काठमाडौं । जनवादी गायक जीवन शर्माको एउटा तस्बिर अहिले सामाजिक सञ्जालमा भाइरल छ ।

काठमाडौं । मौसम पूर्वानुमान महाशाखाले आज चार प्रदेशमा केही भू–भागमा हल्का वर्षासहित हिमपातको सम्भावना

काठमाडौं । पाल्पाका राजेश थापाको बिहीबार बिहान ११ः३० को एयर अरेवियाको जी–९५३१ नम्बरको फ्लाइटबाट