Sansar News
१८ फागुन, काठमाडौं । बरिष्ठ राजनीतिज्ञ भरतमोहन अधिकारीलाई बचाउन सकिने न्यून सम्भावना भएको अस्पतालले जनाएको छ ।
अधिकारी उपचाररत ह्याम्स अस्पतालले आज पत्रकार सम्मेलन गर्दै अधिकारीको महत्वपूर्ण अंगले काम गर्न छाडेकोले उनलाई बचाउने सम्भावना निकै कम भएको जनाएको छ ।
अस्पतालद्धारा जारी बिज्ञप्तिमा भनिएको छ, ‘ बितेको २४ घण्टा देखि उहाँको पिसाब भएको छैन । समग्रमा हाम्रो सम्पूर्ण प्रयासका बाबजुद उहाँलाई बचाउने सम्भावना न्यून देखिन्छ । अहिलेको यस दुःखद घडीमा उहाँलाई सजिलो बनाउने उपचार गरिरहेका छौं । ’
वि.सं.२०७५ फागुन १८ शनिवार १८:५७ मा प्रकाशित
