हामी सबैकाे संसारन्यूज

२४ फागुन, काठमाडौं । विद्यार्थीको उजुरीपछि पक्राउ परेका गण्डकी मेडिकल कलेज (जीएमसी) का सञ्चालकसहित दुईजनाविरुद्ध कास्की प्रहरीले बिहीबार ठगी मुद्दा दर्ता गराएको छ । बुधबार पक्राउ परेका पुर्वसिइओ समेत रहेका सञ्चालक सन्तोष खनाल र कर्मचारी लक्ष्मण शर्माविरुद्ध कास्की अदालतमा प्रहरीले मुद्दा दर्ता गराएको हो ।
विद्यार्थीले आफूहरुसँग कलेजले सरकारी दरभन्दा १५ लाख रुपैयाँ बढी असुलेको भनी मंगलबार प्रहरी समक्ष उजुरी दिएका थिए । त्यसै आधारमा प्रहरीले अदालतबाट अनुमति समेत लिई कलेजका सञ्चालकसहित ११ जनालाई पक्राउ पुर्जी जारी गरेको थियो । दुईजना पक्राउ परेपनि आठजनालाई कास्की प्रहरीले समात्न सकेको छैन ।
कलेज अध्यक्ष खुमा अर्याल, प्रिन्सीपल रविन्द्र श्रेष्ठ, लेखाप्रमुख युवराज शर्मा, लेखाकी कर्मचारी हरिमाया पौडेल, पूर्वप्रमुख कार्यकारी अधिकृत सन्तोष खनाल, कलेजका कर्मचारीहरु तिलक पौडेल, लक्ष्मण प्रसाद शर्मा, कृष्ण पौडेल र कृष्ण घिमीरे विरुद्ध पक्राउ पुर्जी जारी छ ।
शुक्रबारको अन्नपूर्णपोष्ट दैनिकमा पोखराबाट केशवसरण लामिछानेले लेखेका छन् ।