हामी सबैकाे संसारन्यूज

३० फागुन, काठमाडौं । सरकारले नेत्र विक्रम चन्द विप्लव नेतृत्वको नेपाल कम्युनिष्ट पार्टी (नेकपा) का गतिबिधिमाथि प्रतिबन्ध लगाउने निर्णय गरेपछि सत्तारुढ कम्युनिष्ट पार्टी (नेकपा) भित्रै असन्तुष्टि बढेको छ । प्रधानमन्त्री एवं पार्टी अध्यक्ष केपी शर्मा ओली र अर्का अध्यक्ष पुष्पकमल दाहालबीचको सहमतिमा सरकारले विप्लव नेतृत्वको नेकपाको गतिबिधिलाई प्रतिबन्ध लगाए पनि निर्णयमा पार्टी सचिवालयका अन्य सदस्यले असन्तुष्टि जनाएकमा छन् ।
सरकोले विप्लव नेतृत्वको नेकमा माथि लगाएको प्रतिबन्धको भोलीपल्टै बुधबार नेकपाका वरिष्ठ नेता माधब कुमार नेपाल, झलनाथ खनाल, वामदेव गौतम, नारायणकाजी श्रेष्ठले यसविषयमा दाहालसँग छलफल गरेका छन् । सरकारले राष्ट्रिय महत्वको विषयमा निर्णय गर्दा पार्टीसँग छलफल नगरेको भन्दै उनीहरुको असन्तुष्टि थियो । विहिबारको नागरिक दैनिकमा टपेन्द्र कार्कीले लेखेका छन् ।