Sansar News
१ चैत, पर्सा । बीरगंज महानगरपालिका -१६ रजार जयन्ती चोकबाट कोरेक्स र ६४ बोतल सहित मकवानपुर राकसी गाउँपालिका- ४ का २५ वर्षीय प्रदिप लामालाई बिहीबार प्रहरीले पक्राउ गरेको छ ।
लागूऔषध नियन्त्रण ब्यूरो शाखा कार्यालय बीरगंजबाट खटिएको प्रहरीले सोही ठाउँस्थित लामाले चलाई ल्याएको ना २८ प ५४०३ नम्बरको स्कुटरलाई जाँच गर्दा स्कुटरको डिकिमा उक्त परिमाणको लागूऔषध लुकाई ल्याएको अवस्थामा फेला पारी स्कुटर सहित लामालाई प्रहरीले पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।
वि.सं.२०७५ चैत १ शुक्रवार १३:१४ मा प्रकाशित
