हामी सबैकाे संसारन्यूज

११ चैत, रुपन्देही । चरन क्षेत्रको समस्या भए पनि रुपन्देहीमा मौरीपालन व्यवसायप्रति किसानको आकर्षण बढ्दै गएको छ । सरकारले अघिल्लो वर्षदेखि युवा लक्षित कार्यक्रमअन्र्तगत व्यवासायिक मौरीपालन गर्न इच्छुकलाई प्रतिव्यक्ति २० घार मौरी निशुल्क प्रदान गर्न थालेपछि यसतर्फ किसानको आकषंण बढेको हो । अहिले रुपन्देहीमा मौरीपालन फर्मको संख्या ६० भन्दा बढी भएको जिल्ला कृषि विकास कार्यालय रुपन्देहीले जनाएको छ ।
कृषि विकास कार्यालयका मौरी विकास अधिकृत रामबहादुर खत्रीका अनुसार रुपन्देहीमा मौरी स्रोत केन्द्र पाँचवटा र व्यवसायीक मौरीपालन फार्म ५५ भन्दा बढी छन् । जिल्लामा उन्नत जातका मौरीका एक हजार ५०० सय घार रहेका छन् ।

रुपन्देहीमा एउटै किसानले दुईदेखि अढाई सय घारसम्म मौरी पालेका छन् । रुपन्देहीको सैनामैनाका फर्शुराम अधिकारीले गत वर्ष २६० घार मौरी पाल्नुभएको थियो । तीमध्ये उहाँको नयाँ किसानलाई २०० घार मौरी बेचेर आठ लाख रुपियाँ आम्दानी गर्नुभयो । सोमबारको गोरखापत्र बाट ।