हामी सबैकाे संसारन्यूज

१३ चैत, काठमाडौं । युरोपेली विमान निर्माण कम्पनी ‘एयरबस’ सँग ३ सयवटा जेट किन्ने चिनिया निर्णयले संसारकै ध्यान आकृष्ट भएको छ  ।

चिनियाँ राष्ट्रपति सी चिनफिङको फ्रान्स भ्रमणका अवसरमा दुई पक्षबीच भएको ३०० जेट खरिद सम्झौताले विश्वको ध्यान एकाएक मोडिएको हो  ।

चीन र फ्रान्सबिचको यो पछिल्लो संझौतालाई कतिपयले अमेरिकासँगको व्यापार विवादसँग पनि जोडेर हेरेका छन । चीनले आफ्नो प्रविधि चोरी गरेको आरोप लगाउँदै आएको अमेरिकाले आफ्नो देशमा निर्यात हुने सामानमा करवृद्धि गरेपछि क्रुद्ध भएको चीनले पनि उस्तै कदम चाल्दै आएको परीघटनाका बिचमा चीनको नागरिक उड्डयन विभागले दुइटा बोइङ ७३७ विमान उड्नासाथ दुर्घटना भएका भएको जनाउँदै वायुसेवा कम्पनीलाई ‘म्याक्स–८’ विमान नउडाउन निर्देशन दिएको थियो ।

एयरबसका अनुसार चिनियाँ उड्डयन आपूर्तिसम्बन्धी कम्पनीसँग २९० वटा ए–३२० विमान र १० वटा ए–३५० एक्सडब्लूबी जेट खरिदको सम्झौता भएकोे छ । अन्तर्राष्ट्रिय सञ्चारमाध्यमका अनुसार चीनले खरिद गर्न लागेका विमानको मूल्य करिब ३ खर्ब ५० अर्ब अमेरिकी डलर पर्ने अनुमान छ ।

यसैगरी ‘ए–३२०’ विमानको सिट क्षमता १८० देखि १८६ छ भने ‘ए–३५० एक्सडब्लूबी’ मा एकपटकमा ३ सयजनाले यात्रा गर्न सक्ने जनाइएको छ ।

चीनको नागरिक उड्डयनलाई सघाउन आफ्ना ‘सिंगल आइस्ल’ र ‘वाइडबडी’ विमान उपलब्ध गराउन पाउनु सम्मानको विषय भएको जनाउदै एयरबस कमर्सियल एयरक्राफ्टका अध्यक्ष गुइलउन फौरीले विज्ञप्ति जारी गरेका छन् ।

अमेरीका चीन दुई देशका अधिकारीले विवाद अन्त्यका लागि भएका वार्ता सहमति नजिक पुगेको जनाउदै आएपनि परीणाम नदेखिएकै अवसरमा चीनले बोइङलाइ बेवास्ता गर्दै एअरबससँग खरीद गर्न लागेको हो । एयरबससँगको यो सम्झौता संगै बोइङले ठूलो झड्काको महशुस गरेको छ । एजेन्सीहरुको सहयोगमा