हामी सबैकाे संसारन्यूज

२१ चैत, काठमाडौं । नेपालले हालसालै अमेरिकासँग टक्कर लिएको छ । यो टक्कर अमेरिका र उत्तर कोरियाको जस्तो होइन र चीन र अमेरिका जस्तो पनि होइन । न त यो भेनेजुयलाको विषयमा सत्तारुढ नेकपाका अध्यक्ष प्रचण्डले दिएको वक्तव्य जस्तो हो न त उनको प्रतिरक्षामा सरकारले बोलेजस्तो हो ।

तर, नेपालले एउटा विषयमा भने शालिनतापूर्वक अडान लिएको छ । नेपालमा आउने अमेरिकीहरुका बालबालिकालाई यस अघि नेपाल सरकारले भीषा फि लिदैनथे तर अब भने नेपाल सरकार अमेरिकी बालबालिकाको प्रवेशाज्ञा शुल्क लिएरै छाड्ने भएको छ ।

नेपाली बालबालिकालाई अमेरिकाले भिषा फि लिइरहने तर नेपालले फ्रि दिइरहनुपर्ने विषयले अध्यागमनका प्रशासकहरुलाई पनि नमिठो लाग्दै आएको थियो ।

भिसा पारस्पारिकताको प्रस्तावसहित नेपाली बच्चाको शुल्क नलिनु अनुरोध गर्दा अमेरिकी दूतावासले नमानेपछि नेपालले पनि ‘पारस्पारीकता कायम गर्ने’ अर्थात् भिसा फि लिने निर्णय गरेको हो । यस सम्बन्धमा अध्यागमनले आफ्नो साइटमा सूचना जारी गरेको छ ।